ലോക്പാല് ബില്ലിനുവേണ്ടിയുള്ള സമരത്തില് നമുക്കം അണിചേരാം.
സര്ക്കാരിന് നിയന്ത്രണമില്ലാത്ത തികച്ചും സ്വതന്ത്രമായ ഏജന്സിയായി ഒരു ലോകപാല് സ്ഥാപിക്കണം എന്ന ആവശ്യമുന്നയിച്ച് അന്നഹസാരെ നടത്തുന്ന അനിശ്ചിതകാല നിരാഹാര സമരത്തില് നാം ബഹുഭൂരിപക്ഷത്തിനും നേരിട്ട് പങ്കെടുക്കാന് കഴിയില്ല. എന്നാല് ആ സമരത്തിനു ഐക്യദാര്ഡ്യം പ്രഖ്യാപിച്ചുകൊണ്ട് എല്ലാ സഹായസഹകരണങ്ങളും നല്കേണ്ടത് നമ്മുടെ ധാര്മിക ഉത്തരവാദിത്തമാണ്.
പ്രധാന ആവശ്യങ്ങള്
- രാഷ്ട്രീയക്കാര് , ഉദ്ധ്യോഗസ്ഥര് , ജഡ്ജിമാര് എന്നിവരുടെ അഴിമതിയുമായി ബന്ധപ്പെട്ട കേസുകള് കൈകാര്യം ചെയ്യുവാന്, സുപ്രീം കോടതിയേയും തിരഞ്ഞെടുപ്പ് കമ്മീഷനെയും പോലെ സ്വതന്ത്ര ഏജന്സിയായി കേന്ദ്ര തലത്തില് ഒരു ലോക്പാല് നിലവില് വരണം. ലോക്പാലിന്റെ മാതൃകയില് സംസ്ഥാനങ്ങളില് ലോകായുക്തയും സ്ഥാപിക്കണം.
- പരാതി ലഭിച്ചാല് കേസുകള് റെജിസ്ടര് ചെയ്യല് , അന്വേഷണം, വിചാരണ, ശിക്ഷ വിധിക്കല് , പോലിസിനെ ഉപയോഗിച്ച് ശിക്ഷ നടപ്പാക്കല് എന്നിവയെല്ലാം ലോക്പലിന്റെ അധികാരപരിധിയില് ആയിരിക്കണം. അഴിമതിക്കാരായ ഉദ്യോഗസ്ഥര്ക്കെതിരെ സ്വമേധയാ കേസെടുക്കാനും മേല്നടപടികള് സ്വീകരിക്കാനും ഈ ഏജന്സിക്ക് അധികാരമുണ്ടായിരിക്കണം.
- അഴിമതിക്കേസുകള് ഒരു വര്ഷത്തിനകം അന്വേഷണവും അടുത്ത ഒരു വര്ഷത്തിനകം വിചാരണയും പൂര്ത്തിയാക്കി വിധി നടപ്പാക്കിയിരിക്കണം.
- അഴിമതിമൂലം പൊതു ഖജനാവിന് നഷ്ടമുണ്ടായാല് ആ നഷ്ടം മുഴുവന് കുറ്റവാളിയില്നിന്നും ഈടാക്കണം.
- അഴിമതിക്കേസില് ചുരുങ്ങിയത് അഞ്ചു വര്ഷവും കൂടിയത് ജീവപര്യന്തവും തടവ് ശിക്ഷ നല്കിയിരിക്കണം. യുക്തമെന്നു തോന്നുന്ന കേസുകളില് പിഴയും ചുമത്തണം.
- നിശ്ചിത സമയത്തിന്നകം സര്ക്കാര് ഓഫീസുകളില് നിന്നും സേവനം ലഭിക്കതിരിക്കുകയോ, പാലംപണി, റോഡ്പണി, എന്നിങ്ങിനെ സര്ക്കാരിന്റെ ഫണ്ട് ഉപയോഗിച്ച് നടത്തു പൊതു പ്രവര്ത്തികളില് ക്രമക്കേട് കാണുകയോ ചെയ്താല് ഏതൊരു പൌരനും ലോക്പലിനെ സമീപിച്ചു പരാതി നല്കാന് അധികാരമുണ്ടായിരിക്കണം.
- കേന്ദ്ര വിജിലന്സ് കമ്മീഷനും സി.ബി.ഐ.യുടെ അഴിമതി വിരുദ്ധ സെല്ലും ലോക്പാലില് ലയിപ്പിക്കണം.
- ലോക്പാല് ഉദ്യോഗസ്ഥര്ക്കെതിരെ പരാതി ഉയര്ന്നാല് രണ്ടു മാസത്തിന്നകം അന്വേഷണം നടത്തി നടപടി എടുത്തിരിക്കണം.
- ലോക്പാലില് നിയമരംഗത്തെ നാല് വിദഗ്ധരടക്കം പത്ത് അംഗങ്ങള് ഉണ്ടായിരിക്കണം. നിയമവിദഗ്ദ്ധര് , സി.വി.സി., സി.എ.ജി, അന്താരാഷ്ട്ര പുരസ്കാര ജേതാക്കള് തുടങ്ങിയവര് അടങ്ങിയ സിവില് സമൂഹവും ജഡ്ജിമാരും ഉള്പെട്ട സമിതിയായിരിക്കണം ഈ അധികാരികളെ തിരഞ്ഞെടുക്കുന്നത്.
- പ്രധാനമന്ത്രി, മുഖ്യമന്ത്രി, മന്ത്രിമാര് , എം.പി., എം.എല് ,എ എന്നിവര്ക്കെതിരെ അന്വേഷണം നടത്താം. എന്നാല് ഉധ്യോഗസ്ഥര്ക്കെതിരെ അന്വേഷണം അധികാരമില്ല. വിദേശ കാര്യം, സുരക്ഷ, പ്രതിരോധം എന്നിവയുമായി ബന്ധപ്പെട്ട് പ്രധാനമന്ത്രിക്കെതിരെ അന്വേഷിക്കാന് അധികാരമില്ല.
- ലോക്പാല് ഒരു ഉപദേശക സമിതി മാത്രമായിരിക്കും. അതുകൊണ്ട് കേസന്വേഷണമേ പറ്റൂ, കേസെടുക്കാനാവില്ല. ലോക്പാലിന്റെ ശുപാര്ശപ്രകാരം ശിക്ഷ വിധിക്കണമോ വേണ്ടയോ എന്ന് ബന്ധപ്പെട്ട അധികാരികള് തീരുമാനിക്കും.
- അഴിമതിമൂലം പോതുഖജനാവിനുണ്ടാവുന്ന നഷ്ടം തിരിച്ചു പിടിക്കാന് വകുപ്പില്ല
- കേസന്വേഷണത്തിന് ആറ് മാസം മുതല് ഒരു വര്ഷം എന്ന പരിധിയുണ്ടെങ്കിലും വിചാരണ സമയബന്ധിതമായി പൂര്ത്തിയാക്കണമെന്നില്ല.
- കറ്റക്കാര്ക്കെതിരായ കുറഞ്ഞ തടവുശിക്ഷ ആറ് മാസവും കൂടിയത് എഴുവര്ഷവും ആയിരിക്കും
- നിസ്സാര പരാതിക്കാര്ക്കെതിരെ കര്ശന നടപടിയുണ്ടാവും.
- കേന്ദ്ര വിജിലന്സ് കമ്മീഷനും സി.ബി.ഐ.യുടെ അഴിമതി വിരുദ്ധ സെല്ലും ഇന്നത്തെപോലെ തുടരും.
- ലോക്പാലിനു മുന്നംഗങ്ങളെ പാടുള്ളൂ. എല്ലാവരും വിരമിച്ച ജഡ്ജിമാരാണ്. ഉപരാഷ്ട്രപതി, പ്രധാനമന്ത്രി., പ്രതിപക്ഷ നേതാക്കള് , നിയമമന്ത്രി, ആഭ്യന്തരമന്ത്രി എന്നിവര് ചേര്ന്നാണ് ലോക്പാല് അംഗങ്ങളെ തിരഞ്ഞെടുക്കേണ്ടത്
- അഴിമതി വെളിപ്പെടുത്തന്നവരെ സംരക്ഷിക്കാന് വ്യവസ്ഥയില്ല
ലോക്പാലിനു സമാനമായ നിയമം സ്വീഡനില് ഉണ്ടത്രേ. ആ രാജ്യം ലോകത്തില് ഏറ്റവും അഴിമതി കുറഞ്ഞ രാജ്യമായി തുടരുന്നതിന്റെ കാരണങ്ങളില് സുപ്രധാനമായ ഒന്ന് അതാണ്. അതെ സമയം കഴിഞ്ഞ നാലില്പരം പതിറ്റാണ്ടിന്നിടയില് ഇന്ത്യയില് ഉണ്ടായ മിക്കവാറും എല്ലാ മന്ത്രിസഭകളും ലോക്പാല് നിയമം കൊണ്ടുവരാന് 'ശ്രമിച്ചു'. ഒന്നുപോലും വിജയിച്ചില്ല. ആ ബില്ലുകള് നിയമമായിട്ടും കാര്യമൊന്നും ഉണ്ടാവുമായിരുന്നില്ല. കാരണം ഡ്രാഫ്ടുകള് തന്നെ അത്രമാത്രം പഴുതുകള് കുത്തിനിറച്ചവയായിരുന്നു
No comments:
Post a Comment